Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click hereDosto Ye kahani - Jism Ki Pyass Series ke andar dusri kahani hai umeed karta hun pasand aayegi.
Kahani puri tarha se kalpanik hai aur iska kisi bhi jeevit ya mrit vyakti se koi lena dena nahi hai- agar kuch hadse kahani mein kisi ki jindagi se mel khate hain to ye matra ek sanjog hoga.
Bahut se logo ko aadat hai dusre ki kahani ko apne naam se kisi aur forum pe daalne ki - ummed karta hun ki koi bhi aisa prayass nahi karega. Agar koi is kahani ko kahin aur dena chahta hai to pehle mujh se baat kare aur meri razamandi ke baad hi kuch kare.
Chaliye ab badte hain kahani ki aur ----
Baat us samay ki hai jab Kasmir dharti pe swarg kaha jaata tha. Kashmir ki surmay vaadiyan, char chinar ki bahar aur dal jheel sab ko mohit rakhte the.
Aise hi sundar vatavaran mein Gulmarg ke pass ek chote se kasbe mein ek navyovna bachpan ke alhadpan se bahar nikalti hui apne yovan ki prakashtha ki aur agrasar ho rahi thi.
Jism ka ek ek katav bal khati hui nagin ki tarha tha aur chehra to vakya mein kashmiri seb ki tarha laal tha.
Use dekh kar koi bhi sundarta ki paribhasha tak bhul jaata tha shabdi hi nahi milte the uski sundarta ko bakhan karne ke liye .
Ye ladki aur koi nahi hamari kahani ki nayika Deepika hai jo apne jeevan ke 18 basant dekh chuki hai par bilkul os ki boond ki tarha komal hai, itni sundar ke haath lagao to maili ho jaaye.
Umra ke saath jaise jaise deh ka vikas hota hai vaise vaise usme ek pyass jagne lagti hai jisee aam tor pe Jism Ki Pyass kaha jaata hai aisa hi kuch Deepika ke saath bhi hua par uske Jism Ki Pyass koi maamuli pyass nahi thi vo ek uffanti hui pyass thi jo kisi ke kabu mein na rahi aur use na jaane kahan se kahan le gai.
To chalte hain Deepika ke ghar ki taraf.......
Barfile pahadon se ghiri phoolon ki vaadi Gulmarg se 5 kos dur ek kasbe mein pandit Hari Kishan, unki patni Sukanya aur beti Dipika rehte hain. Dipika ne abhi abhi apne 18 basant pure kiye hain aur kasbe ke sabhi ladke uski ek jhalak pane ko betab rehte hain.
Hari Kishan vahin k eek mandir mein pandit ka kaam karta hai aur kyunki kasba bahut chota hai mandir mein dan dakshina kuch jayada nahi chadti fir bhi parivaar ka gujar basar thik thak ho jaata hai.
Dipika ki ek saheli hai Ritu jo uski hamumra hai , dono saath saath kasbe ke chote school mein padi hain. Ritu ke pita ka ek chota sa seb ka baagh hai. Dono parivaaron mein kafi achchi dosti hai aur aana jaana laga rehta hai.
Haal hi mein Dipika ke school master jinka Oberoi hotel mein achchi tarha jaan pehchan hai- ne Dipika ki naukri vahan house keeping mein lagwa di is shart ke saath ki use din mein hi kaam diya jaayega aur raat ko kabhi nahi bulaya jaayega. Jab Dipika ki naukri lag gai to Ritu bhi apne master ke piche pad gai ki uski bhi vahin naukri lagwa di jaaye, bahut koshish karne ke baad Ritu ko bhi vahin naukri mil gai.
Ab dono ladkiyaan ek saath naukri pe jaati aur ek saath vapas aati.
Dono ke parivaar vale isliye tayaar ho gaye ki achcha ladka dhund ne mein sahayta ho jaayegi.
Ritu ka ek bhai bhi hai Karan jo ki thoda awara kism ka hai aur do saal bada hai, vo baap ke seb ke baagh ki dekhbhal karta hai aur baaki time apne awara doston ke saath bitata hai.
Dono ladkiyaan apna kaam bahut jaldi seekh gayi aur unke kaam ki tareef hotel ki management bhi karne lagi.
Ek din vahan hotel mein do dost apni biwiyon ke saath aaye jo bahut hi khubsurat jode the. Dipika unke kamron ki dekhbhaal karti thi.
Din bhar dono jode idhar uthar ghumne nikal jaate aur sham tak hotel mein vapas aate. Inko aaye hue abhi do din hi hue the ki teesre din jab Dipika unke kamre ki khidki ka sheesa bahar se saaf kar rahi thi to shese ka parda hata hua tha. Usne jo dekha vo use andar tak hila gaya………..Ab aisa kya dekha tha usne………….milte hain agle update mein.
- COMMENTS